مصر أولا

منتدى التسويق الاجتماعى لادارة بندر كفر الدوار التعليمية
 
الرئيسيةمكتبة الصورالتسجيلدخول

شاطر | 
 

 أسود فى البيت الابيض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عادل التونى
المدير
المدير
avatar

عدد الرسائل : 137
الموقع : سنابل منتدى الزراعيين
تاريخ التسجيل : 11/08/2008

مُساهمةموضوع: أسود فى البيت الابيض   الخميس نوفمبر 06, 2008 12:52 pm

أسود فى البيت الابيض
==========
بقلم / عادل التونى

ارتديت خوذتى واستليت سيفى قابضا بيمينى غطاء الحلة ولبست شبشبى وقلت ياواد اخطف رجلك لحد امريكا شوف ايه
حكاية الانتخابات بتاعتهم دى المهم ياسادة وصلت هناك عن طريق وصلة نت اجاركم الله كل شوية تقطّع منى لحد ماكنت حاتوة مع معلومات تانية
طوابير طويلة قوى زى طوابير العيش عندنا ومافيش حد احسن من حد وكل واحد ماسك كتاب او جريدة او ما شابه كل واحد فى حاله المهم يدلى بصوته ، نظام ايه وجمال ايه ومافيش مخبر واحد اقصد مافيش شرطى واحد كل واحد عارف
دورة فى منظومة منغومة رائعة ، دخلت اللجنة الانتخابية وكانت فى دايرة ( ماكين ) طبعا لقيت بره اللجنة زى جواها
كل واحد حاطط بادج مرشحه على صدرة وبيبتسم لى ابتسامة عريضة ( من غير مايحلفنى برحمة ابويا او اخويا او حتى
يدينى اى( حاجة)انى انتخب مرشحه ) وكل مافى الامر انهم بيوزعوا حلوى وطبعا كل واحد بيمد ايده وياخد واحدة الا العبد لله ( واخد على المثل بتاع ستى اللى ييجى من ال0000000 فايدة )0
اما داخل اللجنة فحدث ولاحرج وكأنك داخل صالون حلاقة العاصمة ، ذهبت للمسئول اعطيته بطاقتى فأعطانى بطاقتى وبطاقة ترشيح وذهبت للمكان المخصص وحدى وظللت على خانة تانية خالص كالعادة ثم وضعتها حيث توضع وغادرت المكان بسلام ودون ان يستقبلونى انصار هذا ولاتلك ويحلفونى تانى !!
واعلنت النتيجة بعد انتهاء التصويت بسويعات وفاز ( باراك اوباما ) وبالمناسبة كلمة باراك باللغة السواحيلية الكينية وهى مسقط رأس والد اوباما تعنى مبارك والف باراك عليك ياباراك
طلع اوباما على العالم يلقى خطاب النصر ( الخطاب الذى يعقب الفوز ) والراجل قال اللى قاله لكن مانساش ان يثنى على غريمه (ماكين) ويشيد بالديمقراطية والنزاهه و0و0و
وكان لى الحظ ان اسمع خطاب النصر مع الامريكان ملوحا بالعلم الامريكى بالمقلوب وكل شوية واحد يعدلى العلم والغريب ان كان واقف جنبى بالظبط القس جيسى جاكسون ( اشهر داعى سلام ) والمذيعة اللا معة اوبرا وينفرى ( اشهر واغلى مذيعة ) والممثل دينزلى واشنطن ( اشهر ممثل ) واللاعب مايكل جوردون (اشهر لاعب ) وكلهم من ذوى البشرة السمراء
والاغرب من كده ان كل واحد من المذكورين اعلاه لو وقف لوحده فى ميدان عام حتلاقى عليه اكوام من البشر والميديا
وكأنهم بيطلعوا كارتة عيش ، كل واحد من دول ماسك علم صغير بيشاور به وكل واحد من دول عارف قدره فى اللحظة دى بالذات وكل واحد من دول واقف على رجله لساعات طويلة وكل واحد من دول معاه فلوس تشترى مليون فرن عيش وكل واحد من دول يقدر يرسل اى حد ينتخب مكانه !! وكل واحد من دول يقدر يعمل اى حاجة فى اى مكان
والمهم ان كل واحد من دول عارف صوته بيروح فين ولمين
وكل واحد من دول بيحب بلده بجد
وعندما سألوا باراك اوباما قديما ( جريدة النيويورك تايم/حلقة القاهرة اليوم 5/11/2008 ) كنت نفسك تكون ايه رد قائلا : كان نفسى اكون من مصر
مصرى

===
تمت
عادل التونى
6 / 11 / 2008

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
agd3_so7ab



عدد الرسائل : 3
العمر : 24
تاريخ التسجيل : 04/06/2009

مُساهمةموضوع: رد: أسود فى البيت الابيض   الخميس يونيو 04, 2009 11:18 pm

بينما كنت اقرا هذا الموضوع ابتسمت ثم سألت نفسى قائله : هل ابتسم تعليقا على هذه الكلمات الغامضه؟
ام ابتسم تعجبا لهذا العالم؟




( شكر خاص لكاتب هذا الموضوع لانه جعلتى .................. ابتسم!!! )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل التونى
المدير
المدير
avatar

عدد الرسائل : 137
الموقع : سنابل منتدى الزراعيين
تاريخ التسجيل : 11/08/2008

مُساهمةموضوع: رد: أسود فى البيت الابيض   الجمعة يونيو 05, 2009 8:13 pm

agd3_so7ab كتب:
بينما كنت اقرا هذا الموضوع ابتسمت ثم سألت نفسى قائله : هل ابتسم تعليقا على هذه الكلمات الغامضه؟
ام ابتسم تعجبا لهذا العالم؟




( شكر خاص لكاتب هذا الموضوع لانه جعلتى .................. ابتسم!!! )


الحمد لله
على الاقل ادخلنا السرور الى قلبك
وبالفعل ليس موضوع غامض ولكنه عجيب
دمتم بخير

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أسود فى البيت الابيض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مصر أولا :: نادى مصر اولا :: ابداعات الاعضاء-
انتقل الى: